Presidenti i Turqisë, Recep Tayyip Erdoğan, ka anuluar aktivitetet e planifikuara të fushatës për këtë të mërkurë pasi u sëmur gjatë një transmetimi të drejtpërdrejtë televiziv të martën mbrëma.
“Sot, do të pushoj në shtëpi me këshillën e mjekëve tanë,” shkroi Erdogan në Twitter , duke shtuar se gjendja e tij ishte një “bezdi e vogël për shkak të ngarkesës në punë”.
Sipas BBC, Erdogani ishte duke u intervistuar në televizionin turk kur programi u ndërpre për rreth 20 minuta, pasi shqetësimeve shëndetësore.
Më vonë ai u kthye në ekran, duke shpjeguar se kishte një “ftohje serioze në stomak” dhe i duhej ta anulonte intervistën. Kjo sipas tij për shkak të fushatës intensive dhe ngarkesës në zgjedhje.
Pak çaste para se të ndërpritej programi, nga dikush pas kamerave u dëgjua shprehja “Oh im Zot”.
“Lëvduar Zotin, presidenti ynë është në gjendje të mirë shëndetësore”, shkroi në Tëitter zëdhënësi i Erdoganit, İbrahim Kalın pas incidentit.
Erdogan, 69 vjeç, është në pushtet që nga viti 2003 dhe është vendosur për një betejë të ashpër rizgjedhjeje në zgjedhjet e përgjithshme të 14 majit.
Koalicioni i opozitës, i përbërë nga gjashtë parti nga i gjithë spektri politik, është bashkuar pas Kemal Kılıçdaroğlu, një 74-vjeçar i nënvlerësuar dhe ish-burokrat.
Vota kurde, e cila përbën një të pestën e popullsisë 85 milionëshe të vendit, ka të ngjarë të luajë një rol vendimtar në zgjedhje.
Edhe pse Kılıçdaroğlu nuk është mbështetur zyrtarisht nga Partia kryesore pro-kurde Demokratike e Popullit (HDP), ajo nuk ka emëruar një kandidat presidencial duke nxitur rastësisht kauzën e tij.
Kılıçdaroğlu, i mbiquajtur “Gandhi turk” për shkak të trupit të dobët dhe sjelljes së butë, i uroi Erdoganit një “shërim të shpejtë” pasi u sëmur gjatë intervistës.
Erdoğan’s live broadcast with the journalists tonight was abruptly cut off after muffled noises coming from the mics. It worried many people.
Erdogan is now back, says he had a stomach emergency and he was very tired.
— Ragıp Soylu (@ragipsoylu) April 25, 2023
