Kreu i qeverisë shqiptare, Edi Rama ka marrë pjesë në një konferencë për shtyp, përpara hapjes së Panairit më të madh Ndërkombëtar të Turizmit i cili është duke u zhvilluar në Berlin.

Pas fjalës së tij, kryeministri shqiptar ka marrë pjesë në një panel diskutimi ku dhe ka marrë disa pyetje nga gazetarë të ndryshëm nëpër botë.

Një prej tyre ka qenë nga Izraeli i cili i ka vënë në dukje Ramës që qytetarët e vendit të tij janë të “marrosur” ndaj turizmit në Greqi dhe a do të bëhet Shqipëria si vendi fqinj?!

Kësaj pyetje kryeministri vendosi t’i përgjigjej me mikpritjen e shqiptarit dhe faktin që miku në Shqipëri është Zoti.

Gazetari nga Izraeli: Gjatë luftës ju shprehët kujdes shumë të madh për Lindjes e Mesme për krizën por u treguat mjaft i zëshëm krah Izraelit, dhe ka një linjë ajrore me Izraelin, jemi shumë falenderues për ju? Izraeli është shumë i dashuruar me Greqinë, a do të bëhet Shqipëria Greqia e re dhe si do ti zhvendosni turistët nga atje drejt vendit tuaj?

Edi Rama: Dua t’ju them që ne nuk ankohemi që të tjerët janë në dashuri me të tjerë, por ju duhet ta dini nëse ende nuk e dini, se ne Shqipëria ishim i vetmi vend në Europë pas luftës së dytë botërore, që kishim më shumë hebrenj se para saj. Jemi një bilanc tejet të pastër, pas asnjë hebre që i është dorëzuar nazistëve.

Shqipërisë i është dhënë statusi titulli i drejtë mes kombesh. Ajo çfarë ishte edhe më rëndësi se shumë prej mbrojtëse të hebrenjve ishin myslimanë dhe janë dy emra hebre që shfaqen në listën e atyre që u shfarosën në kampin e Buchenëald. Ata nuk ishin hebrenj ishin shqiptar.

Kur nazistët shkuan të merrnin këta hebre, i vjetri i shtëpisë i tha që të prisnin se do tua dorëzonte në mënyrë paqësore. I dorëzoi dy djemtë e vet që të mbronte hebrenjë. Është diçka që është e rrënjosur thellë dhe kjo është arsyeja pse jemi vendi më i mirë për turistët sepse në Kushtetutën tonë të parë kemi një fjali shumë të rëndësishme.

Shqipëria e shqiptarit i përket Zotit dhe mikut, çdo mik përfaqëson Zotin. Nëse doni të ndiheni siç ndihet Zoti ejani në Shqipëri nëse doni të shkoni në një vend që mendoni se edhe shoferët e taksive janë perëndi shkoni në Greqi.