Ish-kreu i Kadastrës, Artan Lame, ka ndërruar jetë në moshën 58-vjeçare. Lame është ndarë nga jeta pas një ndërhyrjeje të vështirë në zemër.

Kryeministri Edi Rama ka shprehur ngushëllimet e tij për ndarjen e parakohshme të Artan Lames, duke e cilësuar lajmin si të pabesueshëm, por fatkeqësisht të vërtetë. Në një postim në rrjetet sociale, Rama shkruan:

“I pabesueshëm, po fatkeqësisht i vërtetë lajmi i befasishëm i ndarjes nga jeta të Artan Lames. Jam pa fjalë. Ngushëllime Mirelës, djalit të tyre dhe familjes e shokëve të përbashkët.”