Ai, një shimpanze e famshme për aftësitë e saj, ka ngordhur në moshën 49-vjeçare, raporton instituti japonez ku jetonte.

Qendra Universita e Kiotos për Origjinën Evolucionare të Sjelljes së Njeriut thotë se Ai ngordhi më 9 janar për shkak të moshës dhe mosfunksionimit të organeve.

Disa nga rezultatet më të famshme të institutit ishte fakti që Ai mund të përdorte numrat dhe të njihte ngjyrat. Kur ishte 18-muajshe, shkencëtarët i dhanë një tastierë të veçantë të lidhur me kompjuterin për të studiuar kujtesën dhe mënyrën e saj të të mësuarit.

Në moshën 5-vjeçare, Ai “përvetësoi numërimin nga 1-6 dhe mund ta emërtonte numrin, të ngjyroste dhe objekte të mostrave të 300 llojeve.” Në kohën e saj të lirë, i pëlqente të vizatonte e pikturonte. Ndryshe nga shimpanzetë e tjera, Ai mund të vizatonte në letër të bardhë pa nevojën e ushqimeve në formë shpërblimi.

Një media japoneze raportoi se njëherë u arratis nga kafazi bashkë me një majmun tjetër duke përdorur një çelës.

Në vitin 2000, Ai lindi Ayumu, i cili gjithashtu ka kujtesë të jashtëzakonshme.