Ministrja e Arsimit: Nuk do të tolerojmë më mësimin online në universitete

‘Ka akoma të pavaksinuar, jemi të vetëdijshëm për këtë, por ne në asnjë mënyrë nuk mund të tolerojmë mësimin e online.

Menjëherë do të bëjmë verifikimet, sepse ka patur universitete që e kanë kërkuar dhe ne ja kemi refuzuar në mënyrë zyrtare.’

Kështu deklaroi ministrja e Arsimit, Evis Kushi gjatë raportimit në Komisionin e Ekonomisë për buxhetin në arsim duke shtuar se disa universitete kanë kërkuar mësimin online, por ministria e ka refuzuar.

Kushi shpjegoi se do të ngrihet një grup pune në mënyrë që të mos ndodhë më që në universitete të zhvillohet mësimi online.
Mësimi online vitin e kaluar u shpreh Kushi, ka qenë një sakrificë e madhe, ndërsa theksoi se nuk ka asnjë raportim për zhvillimin e mësimit ne ketë formë.

‘Jam dakord që vaksinimi në universitete është i rëndësishëm. Ne e vendosëm si kusht vaksinimin e detyrueshëm ose test PCR.

Javën e parë kemi qenë në bashkëpunim me universitetet për ta zbatuar këtë kusht. Mua më raporton rektori i Universitetit të Mjekësisë që mbi 90% e studentëve janë të vaksinuar

Zyrtarisht ne nuk kemi informacion, por ju falënderoj. Mësimi online vitin e kaluar ka qenë një sakrificë e madhe për universitetet tona, sidomos universiteti i Mjekësisë, Universiteti i Arteve apo Universiteti i Sporteve imagjinoni çfarë mësimi mund të bëjnë ata online.

Për ne ishte emergjente hapja e auditorëve. Ju falënderoj për shqetësimin dhe do të gremë grupe pune që kjo të mos ndodhë në universitetet tona’, sqaroi ministrja Kushi.

Të Fundit