Papa Leo XIV gjatë meshës së Premtes së Madhe ka ngritur kryqin prej druri, gjatë të katërmbëdhjetë stacioneve të ceremonisë. Është hera e parë që ka ndodhur në gjashtëdhjetë e një vitet e fundit.
Papa Benedikti dhe Gjon Pali II e kishin ngritur Kryqin, vetëm gjatë stacionit të parë dhe të fundit të ceremonisë, ndërsa Françesku, vitet e fundit, ka qenë duke ndjekur “Rrugën e Kryqit” nga Vatikani, për shkak të problemeve të tij shëndetësore.
Në meditimet e lexuara gjatë Rrugës së Kryqit, Papa foli lidhur me luftën në Lindjen e Mesme dhe Tokës së Shenjtë. Siç u njoftua nga Vatikani, gjatë ndalesës së parë, ai tha disa njerëz mendojnë se kanë marrë pushtet të pakufizuar dhe besojnë se mund ta përdorin dhe abuzojnë atë, varësisht nga vullneti i tyre.
“Çdo autoritet do të duhet t’i përgjigjet Zotit për mënyrën se si e ushtron pushtetin që ka marrë: pushtetin për të gjykuar, por edhe pushtetin për të filluar ose përfunduar një luftë.
Pushtetin për të mbështetur edukimin e luftës ose të paqes, për të ushqyer dëshirën për hakmarrje ose pajtim. Pushtetin për të përdorur ekonominë për të shtypur popujt ose për t’i çliruar ata”, tha ai.
