Mbi 20 mijë € të padeklaruara në kufi, procedohet 56-vjeçari. I sekuestrohen paratë

Një 56-vjeçar është proceduar në gjendje të lirë pasi nuk deklaroi mbi 20 mijë euro në portin e Vlorës.

Gjatë kontrollit fizik të këtij personi punonjësit e Policisë Kufitare gjetën 20 345 euro, të cilat nuk ishin deklaruar sipas ligjeve në fuqi, të cilat u sekuestruan.

Ndërkohë 56-vjeçari do të procedohet i lirë , për veprën penale “Mosdeklarimi në kufi i të hollave dhe i sendeve me vlerë”.

Njoftimi i policisë:

Specialistët e Seksionit të Hetimit dhe ZMPKT Vlorë, referuan materialet në Prokurori, ku nisi procedimi në gjendje të lirë për shtetasin A. Sh., 56 vjeçe, banues në Vlorë, për veprën penale “Mosdeklarimi në kufi i të hollave dhe i sendeve me vlerë”.

Procedimi penal ndaj këtij shtetasi filloi pasi në portin e Vlorës, në hyrje të Republikës së Shqipërisë, shërbimet e Policisë Kufitare, gjatë kontrollit fizik ndaj shtetasit A. Sh. dhe kontrollit në automjetin e tij, gjetën 20 345 euro, të cilat nuk ishin deklaruar sipas ligjeve në fuqi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

Të Fundit