Në datën 1 qershor transmetuam denoncimin e zotit Leandro Përgjegaj, i biri i Pal Përgjegaj. Ai tregoi, se i ati u ndalua në Rinas më 15 maj 2021 në zbatim të një vendimi gjykate të vitit 2020, për akuzën e kultivimit të lëndëve narkotike. Prokuroria e lidh këtë person me një numër telefoni, për të cilin i biri u shpreh, se babai i tij nuk e ka patur kurrë.Pali ka mbi dy javë në qeli. Nga ana tjetër në numrin e telefonit në fjalë, ne telefonuam dhe na u përgjigj një tjetër person, i quajtur Pal Përgjegaj, por me gjeneralitete të tjera të prindërve, i biri i Gjon dhe Dile Përgjegaj.Në datën 2 qershor avokatet e Pal Përgjegajt kërkuan ndryshimin e masës së arrestit, por gjyqi u shty, sepse fashikulli i dosjes nga Gjykata e Kukësit nuk ishte depozituar në Gjykatën e Apelit Shkodër.Ndrësa në 7 qershor gjykata vendosi detyrim paraqitjeje dhe qëndrim në Shqipëri për zotin Përgjegaj, deri në përfundim të gjykimit.