I riu nga Korca, Marsel Morava, ankohet në “ Stop” se i është vjedhur identiteti dhe në emër të tij, është marrë një kredi në korrik 2020 në një institucion financiar, me vlerën 1 milionë e 500 mijë lekë, plus interesat.Gjithcka ka nisur nga një bisedë e bërë me një profil fals në rrjetin social “Facebook”.Në datën 2 shtator, marseli ka shkuar në bankën, ku merr pagën, për të kërkuar një “over draft”. Por në këtë moment i komunikojnë, se rezulton debitor në një bankë tjetër. Në bankën, ku del dabitor, verifikon, se ka marrë 1 milionë e 530 mijë lekë të vjetra dhe në total shuma shkonte në 2 milionë e 600 mijë lekë.Punonjësja e bankës e pyet Marselin, nëse ka qenë në Vlorë, pasi atje është bërë blerja në 10 shtator. Por Marseli nuk ka qenë në këtë qytet. I vetmi veprim i dyshimtë është, se në 31 korrik ka komunikuar me një vajzë në facebook, të cilës i ka nisur me foto kartën e identitetit, që ajo të bindej për moshën e tij.Të nesërmen ai profil nuk ekzistonte më.në këtë moment Marsel Morava ka komunikuar me drejtorin e Krimit Ekonomik dhe ka bërë denoncim për gjithcka i ka ndodhur, me falsifikimin e të dhënave dhe firmës së tij. Edhe institucioni financiar ka denoncuar rastin e falsifikimit, për të cilën pritet konkluzioni i hetimeve.