Prokuroria e Posaçme dha pretencën për 13 të akuzuar për mashtrim me vlerë rreth 7 milionë euro të shtetasve gjermanë përmes call center-ave.

Për Erjon Kasmin, i dyshuar si personi kyç në grupin kriminal, i akuzuar për mashtrim kompjuterik dhe për krijim të grupit të strukturuar kriminal, u kërkua një dënim me 9 vite burg.

Për Xhulian Xhafën i akuzuar për “Mashtrim kompjuterik”, në bashkëpunim, në formën e grupit të strukturuar kriminal, u kërkua dënim me 8 vjet e 6 muaj burg.

Për të pandehurit e tjerë u kërkuan:

Anduel Gjergji 3 vite shërbim prove

Ariol Zenuni 3 vite shërbim prove

Denada Bardhi 2 vite shërbim prove

Emion Orizaj 3 vite shërbim prove

Ermir Shehu

Eris Kurila 3 vite shërbim prove

Evis Mahmutaj 3 vite shërbim prove

Ilir Shkurti 2 vite shërbim prove

Indrit Tila 2 vite shërbim prove

Klevin Molla shërbim prove

Skerdi Llupi shërbim prove të akuzuar për “Pjesëmarrje në grupin e strukturuar kriminal”.

Për llogari të këtij hetimi, SPAK ka sekuestruar më herët disa llogari bankare mes të cilave shumën prej 588 mijë euro në emër të Erjon Kasmit, si dhe 20 milionë lekë në emër të Xhulian Xhafës.

Gjithashtu, një tjetër llogari me shumën e 1.5 milionë eurove iu sekuestrua Erjon Kasamit në Kosovë. Sekuestro preventive është vendosur edhe 9 apartamente, 3 garazhe, 2 ndërtesa dhe 5 sipërfaqe toke me rreth 6 mijë metra katrorë tokë.