Prej orës 09:00 në kryeqytet ka filluar Maratona e Tiranës. Nga sheshi “Skënderbej” nisën maratonën vrapuesit e parë në kategorinë “Marathon 42 km”.

Maratona do të zhvillohet në katër kategori kryesore: “Marathon” 42 km, “Half Marathon” 21 km, “Tirana 10K”, 10 km, dhe “We Too” 5 km. Për secilën prej tyre janë parashikuar çmime të ndryshme.

Rreth 5 mijë vrapues nga e gjithë bota janë mbledhur në Tiranë për edicionin e tetë të maratonës.

Ky event tashmë është kthyer në një traditë për kryeqytetin. Maratona ka nisur në orën 09:00 dhe është parashikuar të zgjasë deri në 16:00. Gjatë këtyre fashave orare rrugët kryesore brenda unazës së mesme do të bllokohen, duke devijuar trafikun në akse të tjera