Kreu i Partisë së Lirisë Ilir Meta ashtu siç kishte paralajmëruar edhe më herët ka kallëzuar penalisht Autoritetin e Dosjeve.

Meta shprehet se ky institucion ka bërë shkelje të rënda dhe të qëllimshme në shërbim të shantazhit politik, për llogari të Edi Ramës.

Sot kam kallëzuar penalisht anëtarët e Autoritetit të Dosjeve për shkeljet e rënda dhe të qëllimshme që i kanë bërë ligjit organik për dosjet e ish-Sigurimit të Shtetit, për manipulimet dhe falsifikimet flagrante në shërbim të shantazhit politik, për llogari të Edi Ramës. Për më shumë detaje, do të zhvilloj një konferencë shtypi në funksion të transparencës para të gjithë qytetarëve shqiptarë.