Gabriel Lluca dhe Denis Korbi, të dy 24-vjeçarë, janë të rinjtë që humbën jetën në aksidentin tragjik të ndodhur në orët e para të mëngjesit të së dielës në Peqin.

Ngjarja e rëndë u shënua rreth orës 02:00 të mëngjesit kur automjeti tip “Volkswagen Golf” me të cilin udhëtonin dy të rinjtë doli nga rruga dhe u përplas me shkallët e një shtëpie.

Përplasja ka rezultuar fatale për të dy të rinjtë të cilët kanë ndërruar jetë në vendngjarje.

Policia ka nisur hetimet për zbardhen e shkaqeve të aksidentit tragjik që paraprakisht dyshet të ketë ndodhur për shkak të shpejtësisë së lartë.