Presidenti francez Emmanuel Macron tha sot se gjyqësori amerikan duhet të bëjë punën e tij në hetimin e çështjes që përfshin autorin e dënuar të krimit seksual, Jeffrey Epstein.

Macron, gjatë vizitës së tij në Panairin e Verës në Paris, tha se çështja Epstein ka të bëjë “kryesisht me Shtetet e Bashkuara të Amerikës”, raporton “Figaro”.

“Në atë rast, gjyqësori atje duhet të bëjë punën e vet, dhe kaq”, tha Macron.

Sa i përket ish-ministrit francez të kulturës, Jacques Lange, i cili është nën hetim për lidhjet e tij me Epstein dhe dha dorëheqjen si drejtor i Institutit për Botën Arabe nën presion, Macron tha se Lange “mori një vendim bazuar në ndërgjegjen e tij” .