Presidenti i FIFA-s, Gianni Infantino dëshiron që Kupa e Botës të zhvillohet çdo tre vjet, si pjesë e një plani afatgjatë për të revolucionarizuar futbollin ndërkombëtar.

Infantino është i bindur se organizimi i Kupës së Botës në dimër ka rezultuar të jetë një ndryshim nga herët e mëparshme, gjë që tregon se sporti mund të vazhdojë të rritet dhe të globalizohet, shkruan Daily Mail.

Ambicia afatgjatë e Infantinos është të krijojë një cikël të ri turneu radikal, në të cilin Kupa e Botës zhvillohet çdo tre vjet, me Kupën e Botës për Klube dhe garat kontinentale si kampionati evropian që do të mbahen në vitet e tjera.

Asnjë ndryshim nuk është i mundur deri pas Kupës së Botës 2030, pasi bisedimet midis palëve të interesuara për kalendarin ndërkombëtar 2024-2030 janë afër përfundimit.

Infantino do të përballet me një betejë të madhe për të miratuar një cikël të ri tre-vjeçar, pavarësisht mbështetjes për konceptin nga Afrika dhe Azia.

UEFA dhe konfederata e Amerikës së Jugut, CONMEBOL, u bashkuan për të kundërshtuar propozim për organizimin e Kupës së Botës çdo dy vjet dhe ka të ngjarë të kundërshtojnë novacionin e fundit të FIFA-s.