Në 20 mars ishim në fshatin Tamarë, në njësinë administrative Kelmend.Në këtë fshat ndodhet një konvikt për të gjithë nxënësit e fshatrave përreth, të cilët duan të shkollohen në shkollën e Tamarës.Në redaksinë e emisionit Stop erdhi një informacion, se në këtë konvikt janë të punësuar plot 8 punonjës:një kujdestare, njëmagaziniere, një sanitare, një punonjëse mirëmbajtjeje dhe 3 roje.Këta punonjës marrin rrogën për një godinë boshe pasi, sipas informacioneve, në këtë konvikt nuk fle asnjë nxënës. Edhe pse nuk ka nxënës konviktorë, sërish Bashkia e Malësisë së Madhe ka investuar në këtë konvikt plot 21 milionë lekë të vjetra. Por kushtet aty ishin skandaloze.Për këtë problematikë takuam zv. Kryetarin e bashkisë së Malësisë së Madhe, i cili tha, se do të merren të gjitha masat, pa permendur asgjë konkrete. Ndërsa kryetari i bashkisë kërkoi shkresa e thirri përforcime sigurie, për t’u “mbrojtur” nga pyetjet e gazetares.