Jemi në Pogradec për problemin e zonës Albina Terolli. Ajo tregon, se në vitin 2013 ka sjellë në jetë binjakë përmes një lindjeje cezariane me doktor Refki Pere. Pas 2 vitesh divorcohet nga bashkëshorti dhe njeh dikë tjetër, me të cilin tenton të bëjë fëmijë, por nuk ia del. Shkon te mjeku Refki Pere për vizitë dhe ai i thotë, se i ka prerë tubat e nuk mbetet dot shtatzënë. Albina thotë, se ka shpenzuar 35 milionë lekë nëpër klinika për të provuar 3 herë pa sukses shtatzaninë in vitro.Albina i kërkon llogari mjekut, se pse ia ka prerë tubat pa dijeninë e saj, por ky i fundit justifikohet duke i thënë, se duhet t’ia ketë kërkuar ajo vetë ose familjarët, por dokument të firmosur nuk ka.Në këto kushte, Albina Terolli, i drejtohet Prokurorisë Pogradec, dhe Korcë, por të dyja prokuroritë dalin me vendimin për mosfillimin të hetimit, pasi rasti ka kaluar 5 vjet.