Ambasada Amerikane në Tiranë njoftoi të hënën se shkrimtari i shquar shqiptar Ismail Kadare do të nderohet me Çmimin Ndërkombëtar Neustadt për Letërsinë.

Festivali Neustadt i Letërsisë konsiderohet si një nga ngjarjet më të mëdha të letërsisë botërore dhe është një festim i librave dhe kulturës ndërkombëtare, sponsorizuar nga World Literature Today dhe organizuar nga Universiteti i Oklahomës.

Që prej themelimit të tij në vitin 1970, laureatë dhe kandidatë të tij janë vlerësuar edhe me çmimin Nobel. Çmimi Neustadt vjen i shoqëruar me një pendë shqiponje të argjendtë dhe 50,000 dollarë amerikanë.

Këtë vit, Ambasada bën me dije se ngjarja do të zhvillohet virtualisht dhe do të jetë pa pagesë për të gjitha ata që regjistrohen.

“Ju ftojmë të bashkoheni me ne dhe të shohim me krenari poetin dhe novelistin më të njohur të Shqipërisë teksa nderohet për arritjet e tij. Regjistrohuni këtu https://bit.ly/3jxH7Cf dhe shikim të këndshëm të mbrëmjes gala të Festivalit Neustadt të Letërsisë!,” – thuhet në njoftimin e Ambasadës Amerikane.