Ish-presidenti amerikan, Donald Trump nuk mund të përdorë llogarinë tij në rrjetin social Facebook të paktën deri në janar të vitit 2023.

Fillimisht Trump u pezullua për një kohë të pacaktuar nga platformat e tij, pasi dukej se po postonte statuse në mbështetje të sulmeve në ndërtesën e Kapitolit të SHBA në 6 janar të këtij viti.

Vendimi për të bllokuar Trump nga llogaritë e tij iu referua Bordit Gjysmë të Pavarur të Mbikëqyrjes së Facebook.

“Ne sot po njoftojmë protokolle të reja të zbatimit që do të zbatohen në raste të jashtëzakonshme të tilla si kjo dhe ne po konfirmojmë dënimin e caktuar në kohë në përputhje me ato protokolle që po aplikojmë në llogaritë e z. Trump”, tha Nick Clegg, nënkryetari i Facebook për punët globale.

“Duke pasur parasysh rëndësinë e rrethanave që çuan në pezullimin e z. Trump, ne besojmë se veprimet e tij përbënin një shkelje të rëndë të rregullave tona që meritojnë dënimin më të lartë në dispozicion në protokollet e reja të zbatimit. Ne jemi duke pezulluar llogaritë e tij për dy vjet, efektive nga data e pezullimit fillestar më 7 janar të këtij viti”, shtoi ai.

Pas janarit të vitit 2023, Trump do të lejohet të përdorë përsëri platformat Facebook nëse “rreziku për sigurinë publike është tërhequr”.

Clegg shtoi në një postim në blog se Facebook do të zgjaste ndalimin nëse rreziku ishte ende “serioz”.

“Kur pezullim të hiqet përfundimisht, do të ketë një grup të rreptë sanksionesh që përshkallëzohen me shpejtësi, nëse z. Trump kryen shkelje të mëtejshme në të ardhmen duke përfshirë edhe heqjen e përhershme të faqeve dhe llogarive të tij.”