Tërmeti është një nga shqetësimet më të mëdha që po kalojnë banorët e shumë qyteteve në Turqi dhe në Siri, duke pasur parasysh edhe faktin që bëhet fjalë për terrene sizmike dhe goditje të tilla janë të paparashikueshme.
Por ne kemi sot një personazh shumë interesant i cili ka realizuar një shpikje interesante. Bëhet fjalë për Mustafa Tozan, një elektricist në pension me banim në Izmir, i cili prodhoi një kabinë enkas për tërmete, që duket si një njësi televizive, duke marrë mendimin e ekspertëve pasi gruaja e tij kishte shumë frikë nga tërmeti që ndodhi në Izmir më 30 tetor 2020.
Tozan thotë se shpikja e tij është një kabinë që mund të përballojë deri në 66 ton përballë një goditjeje me një pikë, sipas provave që kemi kryer me inxhinierë ndërtimi.
“Qëllimi ynë është të ndihmojmë njerëzit, por duke e bërë këtë, ne gjithashtu marrim mbështetjen dhe garantojmë sigurinë e fëmijëve tanë. Dizajni më përket mua, por “nëna” e idesë është gruaja ime. Gruaja ime sapo ndien lëkundjen më të vogël, hyn në kabinë brenda disa sekondash.
Aty është rehat. Kjo njësi është prej çeliku. Jashtë i mbuluar me MDF. Pjesa e brendshme është e mbuluar me MDF dhe dysheme për të parandaluar përplasjet. Përveç kësaj, ka një rrip sigurie, bateri të rikarikueshme, ndriçim led, karikues dhe sirenë në njësi.
Njësia ka një zonë ndenjëse dhe është në formën e gjashtë sëndukëve. Në këtë sënduk mund të vendosen sende të nevojshme si ushqim, ujë, batanije, bateri rezervë, vegla, ilaçe, fikëse zjarri. Ata që blejnë njësinë mund të vendosin cilindra oksigjeni brenda, por brenda ka tashmë vrima ventilimi. Për të përdorur saktë zonën, unë projektova pjesën e përparme të njësisë së tërmetit si një njësi televizori.
Para tij është një televizor, menjëherë pas tij është njësia e tërmeteve. Është një kabinë që mund të përballojë deri në 66 ton përballë një goditjeje me një pikë, sipas provave që kemi kryer me inxhinierë ndërtimi.”, tha elektricisti Mustafa Tozan për medit turke./Euronews Albania
