Një gorillë dhe dy luanë nga kopshti zoologjik i Pragës në Republikën Çeke u infektuan me COVID-19, shkruan Reuters.

“Luanët Jamvan dhe Suchi dhe gorilla Richard dolën pozitivë pas testimit. Tani për tani, ata po shfaqin simptoma të lehta. Luanët kanë një të ftohtë dhe një kollë.

Richard është i lodhur dhe ka humbur oreksin e tij,” tha Drejtori i kopshtit zoologjik Miroslav Bobek në një postim në profilin e tij në Facebook.

“Kafshët ka shumë të ngjarë të infektohen pas kontaktit me stafin. Ne gjithashtu do të testojmë të gjitha kafshët e tjera,” tha Bobek.

Kopshti zoologjik i Pragës ka rënë në kontakt me kopshtet zoologjike të tjera në botë që kanë rezultuar pozitivë për COVID-19 midis kafshëve, shkruan Jutarnji.

Republika Çeke aktualisht po regjistron një rritje të rasteve të infeksionit COVID dhe ai vend aktualisht ka një nga rastet më të larta të infeksionit në botë