Udhëheqësi i grupit rebel sirian që rrëzoi nga pushteti Assadin, Abu Mohammad al-Jolani, është përfshirë në një situatë që ka shkaktuar shumë diskutime.
Teksa po vizitonte një kamp refugjatës në veri të vendit, një grua e re u afrua duke i thënë se dëshironte të bënte një fotografi me të.
Por siç shihet edhe në video al-Jolani i kërkoi gruas që fillimisht të mbulonte flokët para se të bënin foto.
Ky moment ka tërhequr vëmendjen e mediave dhe të përdoruesve të rrjeteve sociale, duke nxitur debate për normat fetare dhe sociale në territoret e kontrolluara nga grupi rebel sirian “HTS”.
Disa e kanë interpretuar këtë veprim si një shembull të politikave konservatore të grupit, ndërsa të tjerë e kanë parë si një kërkesë personale e lidhur me bindjet fetare të al-Joulanit.
Ngjarja vjen në një kohë kur HTS po përpiqet të përforcojë imazhin e tij në arenën ndërkombëtare.
Ndërsa organizata dikur ishte e lidhur me al-Qaedën, ajo ka tentuar të distancohet nga grupet ekstreme, duke u përpjekur të projektojë një profil më politik dhe më pak radikal.
Syrian rebel leader al-Joulani tells a woman to cover her hair if she wants to take a picture with him pic.twitter.com/S4t4Dmj4wi
— Visegrád 24 (@visegrad24) December 14, 2024
