VLORE – Një fenomen i rrallë për bregdetin është raportuar në 24 orët e fundit në vend.

Ditën e sotme sipërfaqja ujore në plazhin e Vlorës është tkurrur. Deti është tërhequr mbi 100 metra si rezultat i fenomenit të zbaticës.

Fenomente të tilla ndodhin pothuajse gjithmonë në periudha të caktuara të vitit në zonat bregdetare. Por herët e kaluara deti është tërhequr deri në 50 metra, ndërsa këtë herë, zbatica ka sjellë tërheqje të detit deri në 100 metra.

I njëjti fenomen është regjistruar edhe vitin e kaluar në Vlorë dhe Shëngjin, në datat 21 dhe 22 mars.