Uebsajtet e qeverisë që ofrojnë shërbime publike duket se do të jenë të pa aksesueshme në ditët në vijim. Agjencia Kombëtare e Shoqërisë së Informacionit ka njoftuar qytetarët se sot në orën 14:00 deri në 23:59 do të kryejë një operacion mirëmbajtje të sistemeve dhe faqeve zyrtare të institucioneve publike.
Kjo ndërhyrje, sipas njoftimit, është në vazhdën e përballjes me pasojat e sulmit kibernetik dhe do t’i shërbejë përmirësimit të mëtejshëm në dhënien e shërbimeve publike online. Për pasojë, qytetarët mund të kenë vështirësi në aksesimin e çdo faqeje publike përgjatë ditës së sotme.