Edi Rama ka qenë i ftuar në emisionin “Të Paekspozuarit” në MCN TV.

Gazetari Andi Tela, bëri një batutë duke i thënë kryeministrit “se është rehat” dhe se “as në ëndërr nuk e kishte menduar mandatin e tretë”.

Andi Tela: Je rehat fare, as në ëndrrën më të bukur nuk e kishe menduar këtë, mandatin e tretë.

Edi Rama: Ideja që unë jam rehat është shumë e gabuar. Ne betejën nuk e kemi patur me ata përballë. Sfida ime nuk është si të mundim ata. Ata duhen mundur për të vazhduar për të bërë punën. Unë jetoj për të bërë gjërat që duhen bërë dhe i bëjnë mirë vendit. Që ky vend të përballet me dy goditje dhe të jetë ku është sot, është gjë e madhe.