Një nënë 33-vjeçare është arrestuar në Rusi, pasi ka shitur foshnjën e saj të porsalindur për të mbledhur para me të cilat do të bënte operacione plastike në hundë. Sipas “Daily Mail”, 33-vjeçarja e paidentifikuar nga Dagestani i Rusisë jugore, nuk hezitoi të shiste djalin e saj pesë-ditor për të mbledhur para 200 mijë rubla (2900 £). Gruaja ka arritur të gjejë një çift për t’i lënë djalin e saj, vetëm pesë 24 orë pas lindjes së tij më 25 prill.

“Nëna biologjike donte ta linte fëmijën e saj në spital”, tha gruaja që bleu djalin pesë muajsh. “Ajo nuk mund të siguronte fëmijën, kështu që unë e mora atë,” shtoi ajo.

Por kur foshnja kërkoi trajtim spitalor, mjekët i kërkuan çiftit certifikatën e lindjes. Edhe kur prindërit birësues u kthyen te gruaja duke kërkuar certifikatën e lindjes së djalit të saj, ajo u tha atyre se do t’ua jepte atë vetëm në këmbim të 100,000 rublave të tjera (rreth 1,440 £).

Nëna i kishte thënë çiftit se ishte e papunë, e pastrehë dhe nuk kishte para për të jetuar. Kur më 26 maj mori shumën e parave, u tha se kishte ndërmend t’i shpenzonte paratë për një operacion estetik të hundës.

33-vjeçarja ruse u tha gjithashtu se duhej të bënte operacionin për të marrë frymë më mirë. Por përpara se çifti t’ia dorëzonte pjesën tjetër të tarifës totale, policia i arrestoi të tre për trafik njerëzish.

Në deklaratat e publikuara në rrjetin “Neësflash”, Komiteti Hetues i Federatës Ruse për Republikën e Dagestanit shprehet konkretisht:

“Autoritetet hetimore të Komitetit Hetues të Federatës Ruse për Republikën e Dagestanit ngritën kallëzim penal kundër një 33-vjeçareje, banore e qytetit Kaspiysk. Sipas hetuesve, më 25 prill 2022, një grua lindi një djalë në spitalin qendror të qytetit Caspian dhe disa ditë më vonë, u përpoq t’ia shiste një çifti”.