Camilla Hempleman-Adams, një eksploruese britanike 32 vjeçare, ka shënuar një arritje historike duke u bërë gruaja e parë që përfundon një përshkim solo në Ishullin Baffin të Kanadasë.
Ajo ka tërhequr një sajë 150 milje në kushte ekstremisht të vështira, duke u ekspozuar në temperatura që zbritën deri në -40°C dhe erëra që arrinin deri në 47 mph.
Hembleman-Adams e përfundoi udhëtimin nga Qikiqtarjuaq në Pangnirtung brenda 13 ditësh, një ditë para afatit të caktuar. Ishulli i Arktikut, që është i pesti më i madhi në botë, është kryesisht i pabanuar dhe ndodhet në Kanadanë veriperëndimore, mes kontinentit dhe Grenlandës.
Nga fshati Inuit i Pangnirtung, Hempleman-Adams tha: “Ndihem goxha e rraskapitur, kam këmbët shumë të lënduara, por është mirë të kthehesh në qytetërim, thjesht duke u vendosur ngadalë. Kanë qenë dy javë vërtet të vështira, por dy javë të pabesueshme”. Ajo shtoi: “Kur futesh vetë, thjesht ke një mentalitet për të vazhduar. Ti përshtatesh, ke mendësinë që nuk mund të heqësh dorë. Nuk ka dorëzim në ato kushte.”
Babai i saj, aventurieri Sir David Hempleman-Adams, fluturoi për ta takuar atë në vijën e finishit, duke shprehur shqetësim për erërat e forta që rrisnin rrezikun e ngrirjes.
