Kreu i Partisë Demokratike, Sali Berisha, ka reaguar pas ngjarjes së rëndë të ndodhur në Shkodër mëngjesin e sotëm, ku dy persona humbën jetën dhe dy të tjerë mbetën të plagosur gjatë një atentati me armë zjarri në një lokal në qendër të qytetit.

Përmes një postimi në rrjetin social Facebook, Berisha e cilësoi ngjarjen si një “masakër”.

“Shkodra në mëshirën e breshërive të krimit.

Miq, sot në mëngjes masakra e rradhës me dy të vdekur dhe dy të plagosur. Në mes të qytetit brenda në kafene breshëritë u morën jetën dy personave dy të tjerë mbetën të plagosur rëndë njëra prej tyre kamariere shërbimi. Vrasësi, një i arrestuar dy vite më parë për bashkëpunim në krim por i liruar nga Tualanti apo ndonjë taulant tjetër për të vazhduar punën e tij katër ditë më parë pati një tjetër të vrarë.

Shkodrën me qëllim e sundon krimi, bandat, vetgjyqësia dhe hakmarrja e ndihmuar nga narkoqeveria. Dënoj me forcën më të madhe qëndrimin hakmarrës të Ramaduros ndaj Shkodrës dhe qytetarëve të saj”, shkruan Berisha.