Ish-kryeministri Sali Berisha sëbashku me kandidatin “Shtëpia e Lirisë” për bashkinë e Dibrës Premtim Kryemadhi, këtë të premte ka zhvilluar takime me fermerët në këtë qytet.
Gjatë këtij takimi Berisha theksoi se bujqësia është një sektor i rëndësishëm, ndërsa shtoi se qeveria e ka braktisur këtë sektor.
“Qeveria e ka braktisur bujqësinë dhe ka vendosur monopole. Përse Shqipëria ka çmimin e naftës sa Suedia dhe Zvicra? Kjo sepse Rama me importuesit ndan fitimet. Tani kanë nxjerrë edhe taksën e kontrolli. Rama sa erdhi në pushtet hoqi ndihmën ekonomike. Çdo fshat duhet të kenë shërbime që gëzojnë edhe lagje të qytetit, ne do të arrijmë menjëherë në mesataren e rajonin për mbështetjen direkt të fermerëve. Edi Rama nuk jep tapitë…Ju e dini që ekziston projekti i Skavicën të cilën ne e kundërshtojmë. Ne kundërshtojmë , jo se jemi kundër investimeve amerikane, por ajo është marrë me një tender të hapur ndërkombëtarë. Skavica nuk mund të pranohet sepse përmbyt shumë fusha , e fshatra të Peshkopisë. Deputetët e Lul Bravës, nuk ngrihen kundër Skavicës në parlament, sepse nuk i lejon ai. Skavica s’mund të pranohet sepse përmbyt fshatra të Peshkopisë.
