Nga samiti i Partisë Popullore Europiane (PPE) në Bruksel, kreu i PD-së, Sali Berisha, bëri thirrje për mobilizim më 22 mars.

Ai u shpreh se sytë dhe mendjet e partnerëve në Europë dhe në botë janë të drejtuar te qytetarët shqiptarë, tek opozita shqiptare dhe qëndresa e tyre ndaj këtij regjimi.

Berisha nënvizoi rëndësinë e kësaj date, duke e cilësuar si një moment historik për t’u bërë thirrje shqiptarëve të ngremë zërin paqësisht, duke dërguar mesazhin e protestës në Shqipëri, Europë dhe botë.

Lideri i PD-së u takua gjatë samitit me figura të njohura europiane si Ursula von der Leyen dhe kancelari Olaf Scholz, ndërsa shfrytëzoi rastin për të rritur ndërgjegjësimin për situatën politike në Shqipëri.

“Të ngremë zërin fuqishëm më 22 mars, sytë dhe mendja e partnerëve tanë janë te qytetarët shqiptarë dhe tek opozita.

Natyrisht, sytë, mendjet e miqve tanë, partnerëve tanë në Europë dhe në botë janë të drejtuar te qytetarët shqiptarë, tek opozita shqiptare, qëndresa e tyre ndaj këtij regjimi, përpjekja e tyre për largimin e tyre.

Kështu që 22 marsi, këtu nga Brukseli shfrytëzoj rastin, nga ky moment historik siç ishte kremtimi i 50-vjetorit të PPE dhe samiti i liderëve kryesorë, kancelari Merz, Ursula von der Leyen, Presidentja e Komisionit Europian dhe liderë të tjerë të pranishëm, pra shfrytëzoj këtë rast për t’u bërë thirrje shqiptarëve më 22 mars në kryengritjen tonë paqësore të ngremë zërin fuqishëm, të ushtojë në Shqipëri, në Europë dhe në botë zëri i protestës, zëri i kryengritësve paqësorë shqiptarë”, tha Berisha.