Pak ditë më parë transmetuam situatën me testimet dhe mjekimet kaotike për covid 19.Shqetësimi i radhës vjen nga Gjirokastra, ku pas bërjes së tamponit, ndonëse kanë kaluar shumë ditë, përgjigja nuk ka ardhur.Një denoncuese, që kërkon të mbetet anonime, thotë, se tamponin e ka bërë në 31 tetor,por nuk ka marrë përgjigjen. Kur është interesuar, i kanë lëshuar një vërtetim nga ISHP Gjirokastër, ku thuhet, se duhet të qëndrojë në shtëpi e izoluar 15 ditë.Vajza tregon, se përvec ankthit, nëse është me covid, ka edhe merakun e mosmarrjes së mjekimit, shëndetin e familjarëve dhe problemin e punës. Për këtë rast pyesim specialisten e ISHP Rajonale Gjirokastër, e cila shprehet sërish, se ende nuk ka dalë përgjigjia, ndaj vajza duhet të qëndrojë brenda 15 ditë.Arenc Brahimi, shefi I Epidemiologjisë ISHP Gjirokastër, argumenton, se përgjigja është vonuar nga ISHP qendrore.