Në raportin e fundit të dërguar në kuvend, ai citon se” Shqipëria vijon të mbetet një ndër vendet që nuk e ka të përcaktuar ligjërisht minimumin jetik, si të tillë, Avokati e konsideron si të pajustifikueshme, mungesën e përcaktimit të minimumit jetik, i cili duhet të qëndrojë në themel të hartimit të politikave sociale që ndjek shteti për grupet në nevojë.
Përpjekjet për të futur në axhendën e parlamentin miminumin jetik, janë bërë edhe nga disa organizata të shoqërisë civile në vend, por deri më sot nuk kanë marrë përgjigje pozitive. Nëse parlamenti do të miratonte pragun, atëherë cdo pagesë që jepet për kategoritë në nevojë ose pensionsitët do të rritej në këtë nivel.
