Ferrari prezantoi makinën e saj të parë plotësisht elektrike “Ferrari Luce”, për Papa Leon XIV gjatë një takimi në Castel Gandolfo më 26 maj.
Në takim morën pjesë presidenti i Ferrarit, John Elkann, si dhe drejtues të lartë dhe teknikë të kompanisë. Papa inspektoi automjetin nga afër, u ul në sediljen e shoferit dhe dëgjoi shpjegimet e pilotit testues të Ferrarit, Raffaele De Simone, mbi kontrollet dhe mënyrat e drejtimit të makinës.
Pamjet e publikuara nga Vatikani tregojnë Papën duke mbajtur në dorë timonin e Ferrarit dhe duke pozuar me inxhinierët dhe stafin teknik të kompanisë. Gjatë takimit, Elkann i dhuroi Atit të Shenjtë timonin e automjetit si simbolikë e prezantimit.
Sipas Ferrarit, modeli “Luce” përdor katër motorë elektrikë, nga një për secilën rrotë, dhe prodhon deri në 1,040 kuaj fuqi. Supermakina ka autonomi deri në 530 kilometra dhe arrin shpejtësinë nga 0 në 100 km/orë për vetëm 2.5 sekonda. Modeli është zhvilluar në bashkëpunim me LoveFrom, studioja krijuese e themeluar nga ish-dizajneri i Apple, Jony Ive.
Ferrari pritet ta nxjerrë “Luce” në treg me një çmim rreth 550 mijë euro, duke shënuar hyrjen zyrtare të markës italiane në segmentin e supermakinave elektrike.
Pope Leo XIV tests drives the new Ferrari Luce, the Prancing Horse's first fully electric car, and its first with five seats.
The Pope didn’t get to keep the car, probably didn’t like the handling, you know prefers American, however Ferrari President John Elkann gave the car's… pic.twitter.com/3R181O9FsG
— Catholic Sat (@CatholicSat) May 26, 2026
