Rasti i Erjon Sinanit, një banor nga Tirana, ka rikthyer në qendër të vëmendjes një çështje të ndjeshme, kujdestarinë e fëmijëve pas një tragjedie familjare. Në prill të vitit 2023, Erjoni humbi brenda një nate dy nga personat më të dashur, bashkëshorten dhe vëllain, duke e lënë të vetëm me dy fëmijë të mitur, atëherë vetëm 2 dhe 4 vjeç.Pas humbjes së bashkëshortes, Erjoni, i gjendur në mes të dhimbjes dhe pasigurive, vendosi që përkohësisht t’i çonte fëmijët te prindërit e bashkëshortes, për të kaluar momentet e para të vështira. Por, kur kërkoi t’i merrte fëmijët mbrapsht, për t’i rritur vetë, u përball me kundërshtimin e gjyshërve dhe dajës së fëmijëve. Çështja shkoi në gjykatë dhe kjo e fundit vendosi, që fëmijët t’i jepeshin në kujdestari gjyshërve dhe dajës. Vendimi u bazua ndër të tjera në një raport psikologjik të hartuar nga psikologia Ines Haxhimali, e cila argumentoi, se fëmijët janë më të stabilizuar në ambientin aktual dhe se, nëse babai dëshiron t’i marrë, duhet të ndryshojë banesën, për të shmangur traumat, që lidhen me vendin e tragjedisë. Sipas psikologes Gejsi Anamali, në këtë rast po luhet me cështjen e banesës për një traumë, që fëmijët nuk kanë patur mundësi ta memorizojnë, për shkak të moshës së vogël.
Gjatë seancës së sotme parlamentare dy ministrat e brendshëm dhe drejtësisë, Albana Kociu dhe Besfort Lamallari u fiksuan nga kamerat duke folur me dorën para gojës, për të mos u kuptuar ajo, që thoshin.
Jemi në një lagje të Kasharit, pasi Hyrjan Plaku tregon, se shtëpia e tij u dëmtua nga tërmeti i vitit 2019.Nga programi i rindërtimit përfitoi 34 milionë lekë nga shteti, për të ndërtuar një banesë të re. Ai lidhi kontratë me firmën “Xhuvani Hasrama shpk”, me shpresën, se do të ngrinte një shtëpi të fortë dhe të sigurtë për familjen.Por sapo u fut në banesën e re, muret nisën të çaheshin nga jashtë edhe nga brenda. Edhe dyshemeja kishte probleme. Pllakat ishin vendosur keq dhe në disa vende betoni kishte dalë në sipërfaqe. Për më tepër, disa pjesë të preventivit, si veranda dhe shtrimi i saj me pllaka, nuk ishin realizuar fare. I indinjuar, Hyrjani vendosi të denoncojë rastin. Ai tregoi, se kishte kaluar 22 milionë lekë nëpërmjet bankës, 8 milionë në dorë, dhe kishte mbajtur vetëm 4 milionë lekë për vete, për nevoja familjare. Por kur u përball me gazetarin, Amarildo Hasrama, djali i pronarit të firmës ndërtuese, e pranoi se kishte pasur disa dëmtime, por i justifikoi me tërmetet, që kanë ndodhur edhe pas ndërtimit. “Shtëpi tërmeti është ajo!” – u shpreh Amarildo, duke lënë të kuptohet, se cilësia e ndërtimit, nuk mund të ishte më e lartë se aq.
