Policia e Lushnjes ka vendosur në pranga dy vëllezër pas kapjes në flagrancë të tyre, pasi u gjetën duke vjedhur karburantin e një firme ndërtimi.

Sipas policisë vëllezërit e vidhnin naftën me anë të një pajisjeje në ambientet e firmës. Në pranga janë vendosur personat G.C, 54-vjeç dhe J.C, 40 vjeç të dy banues në Lushnjë.

Provat iu paraqitë gjykatës për veprime të mëtejshme.

Njoftimi i plotë i policisë:

Ndërhyrja e shërbimeve të Policisë parandalon vjedhjen në një firmë ndërtimi, gjatë natës.

Vihen në pranga 2 vëllezër që u kapën në flagrancë nga shërbimet e Policisë, në ambientet e firmës, gjatë tentativës për vjedhje.

Shërbimet e Patrullës së Përgjithshme, mbrëmjen e djeshme, gjatë patrullimit në territor, në lagjen “18 Tetori”, kanë konstatuar 2 shtetas që po tentonin të vidhnin karburant dhe pajisje, në ambientet e një firme ndërtimi.

Shërbimet e Policisë kanë ndërhyrë menjëherë dhe kanë arrestuar autorët e dyshuar, shtetasit G. C., 54 vjeç dhe J. C., 40 vjeç, banues në Lushnjë (vëllezër).

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.