Jemi në Tiranë me zonjën Lindita Reci, e cila na tregon, sesi ajo bashkë me 10 trashëgimtarë të tjerë, u përjashtuan nga 3 tezet dhe daja nga përfitimi i trashëgimisë nga stërgjyshi. Lindita thotë, se kanë kaluar 3 shkallët e gjyqsorit dhe kanë siguruar të drejtën të marrin 27 njësi, apartamente, garazhe dhe dyqane. Edhe pse i kanë marrë certifikatat e pronësisë, tezet Nexhmie Shaba, Marjana Vorbsi, Lejla Rakipllari dhe daja, Xhevdet Shaba, nuk i lirojnë apartamentet, që kanë 20 vjet, që i shfrytëzojnë.Ne shkuam në Yzberish, aty ku është ndërtuar pallati dhe trashëgimtarët na treguan, se cafrë lufte kanë bërë për të hyrë në dy prej tyre.Kërkuam edhe qëndrimin e palës tjetër në konflikt, por ata nuk deshën të shpjegohen.Nexhmije Shaba, e pajisur me prokurë nga motrat e tjera, i është drejtuar gjykatës, me pretendimin për dhunë në familje nga nipërit e mbesat. Ndërkohë, këta të fundit, kanë kërkuar vetëm, që të marrin apartamentet, që kanë në pronësi. Sikur të mos mjaftonte kjo, Nexhmija është pajisur me urdhër mbrojtjeje për 12 muaj. Denoncuesit praktikisht kanë shpenzuar 20 vjet, për të marrë këto apartmente, por trashëgimtarët duhet të shkojnë sërish në gjykatë, për të kërkuar këtë rradhë lirim dorëzim sendi, që të futen në shtëpitë e tyre.
Pse nuk protestojnë shqiptarët për të drejtat e tyre, apo për probleme konkrete, që i shqetësojnë. Në të kundërt manifestimet partiake i mbushin sheshet gjithmonë. Ne kemi pyetur qytetarët për këtë dhe përgjigjet e tyre, do t’ju habisin dhe argëtojnë.
Disa herë kemi transmetuar denoncime për Suzana Isufajn, me pretendimin, se ajo përmes dokumentave të parregullta ka përfituar prona, që nuk i takojnë. Silvi Golja, një i afërm i Suzanës, dëshmoi nga Kanadaja, se Isufaj e ka dhënë pronën e babait të tij me qira në vitin 2021 mbi bazën e një prokure, që i ati, Agron Golja, i kishte dhënë Suzanës për përfaqësim në gjyqe, por që kishte skaduar në vitin 2017. Të ardhurat e qirasë së pronës, me 25 bashkëpronarë i merr vetëm Suzana Isufaj. Gjithcka nisi me një kërkesë-padi të janarit 2012, me të cilën Suzana Isufaj kërkon të godasë një vendim të vitit 2007 të Agjensisë së Kthimit të Pronave. Përmes këtij procesi gjyqsor Suzana synonte të bëhej pronare e 100 hektarëve pronë, anës detit në Ksamil. Prona kap vlerën e tregut rreth 300 milionë euro. Palë procesin e mbyllur në kohë rekord, për tre muaj, kanë qenë Agjensia e Kthimit të Pronave dhe Avokatura e Shtetit, dy institucione Kushtetuese, që mbrojnë interesat e shtetit Shqiptar. Ka dyshime, se firma e përfaqësuesit të Avokaturës së Shtetit Kristaq Kutra ishte e falsifikuar, nëse krahasohet me të të tjera nënshkrime të tij. Trupi gjykues, me kryesues Alltun Cela, dhe anëtarë Nevrie Duka dhe Petrit Aliaj, vendosën pranimin e kërkesës së Suzana Isufaj Cini, duke e bërë pronare të 100 hektarëve prona në Ksamil. Ish-kryetari i Gjykatës Sarandë Alltun Çelën, iu shmang shpjegimit, duke thënë, se nuk i kujtohej rasti.Menjëherë pas transmetimit tonë, Avokatura e Shtetit falenderoi emisionin “Stop”, duke rivendosur afatet për këtë vendim, që tani do të apelohet nga ky institucion shtetëror.
