Në 12 nëntor të këtij viti transmetuam një ngjarje të ndodhur në fshatin e largët të Maliqit, Strelcë, ku një 70 vjecar u arrestua me akuzën e ngacmimit seksual ndaj një vajze 10 vjecare nga po i njejti fshat. Iqmet Skënderi përfundoi në burgun e Drenovës për këtë akuzë, por sipas tij dhe opinionit të bashkëfshatarëve, kjo akuzë nuk mund të jetë e vërtetë. Iqmeti, thonë ata që e njohin, prej më shumë se 25 vitesh shet në një dyqan në fshat, ku familja e vajzës së vogël rezulton borxhlie. Vetë Iqmet Skënderi tregoi nga burgu i Drenovës, se dy ditë, para se të akuzohej, ai pati një konflikt me mamanë e vajzës 10 vjecare, Marselën, pasi kjo e fundit i kërkonte shpesh telefonin, për të denoncuar të shoqin në polici.Atë ditë Iqmeti nuk ia dha telefonin dhe e përzuri nga dyqani.Dy ditë më pas Marsela sajoi historinë e ngacmimit, pasi sic pranon vetë, zotëria nuk i shërbeu vajzës. Pas një ore Iqmeti u arrestua. Sipas të dhënave në dosjen hetimore akuza ndaj Iqmetit është vetëm deklarata e vajzës dhe asnjë provë tjetër apo një hetim i thelluar, që do të conte në zbardhjen e të vërtetës.Pas transmetimit tonë, Gjykata e Apelit në Tirane ka ndryshuar masën e sigurisë nga ajo me burg në Burgun e Drenovës në arrest shtëpie.Tani pritet të gjykohet cështja në themel, që Iqmet Skënderi të lirohet nga kjo akuzë e montuar.
