Policia kufitare e Kapshticës ka arrestuar babë e bir nga Tirana pasi i gjetën drogë në kamionin që po lëviznin.

Raportohet se droga e gjetur në kamion e cila arrin deri në 50 kg kishte destinacion Turqinë nëpërmjet pikës së kalimit kufitar të Kapshticës.

Babë e bir kanë deklaruar në polici se nuk kanë dijeni për sasinë e drogës të gjetur në kamion.

Sipas burimeve nga policia kamioni u fut në skaner sipas proçedurave dhe atje u konstatua lënda narkotike e fshehur në rimorkio.

Mësohet se ka dhe të tjerë persona të përfshirë dhe policia po heton rastin.