Reperi i njohur Arkimed Lushaj, i njohur si Stresi, është vetëdorëzuar sot në stacionin e Policisë në Pejë rreth orës 09:00.

Artisti ka paraqitur vetveten në ambientet e policisë në praninë e avokatit të tij.

Momentalisht, ai është duke u intervistuar nga policia.

Stresi ishte shpallur në kërkim nga autoritetet e drejtësisë në Kosovë, nën dyshimet se kishte qenë i përfshirë në një incident në një klub nate në Pejë.

Hetimet për ngjarjen vazhdojnë, dhe më shumë detaje pritet të dalin në ditët në vazhdim.