Krishtlindjet në tetor në Venezuelë

Propozimi i ri i presidentit të Venezuelës, Nicolás Maduro, synon të qetësojë përplasjet pas zgjedhjeve të fundit presidenciale, ku klima nuk është shumë e qetë. Babagjyshi i Krishtlindjeve do të ketë më shumë punë për të bërë pas kësaj vendimi.

Çfarë ka thënë?

Maduro e shpalli vendimin e tij në një program televiziv në kanalin Globovisión. Në mesazhin e tij drejtuar kombit, presidenti shprehu: «Është shtator dhe tashmë ndjehet aroma e Krishtlindjeve. Për këtë arsye, këtë vit, në nder të jush, si një formë mirënjohjeje ndaj jush, do ta kaloj festimin e Krishtlindjes në 1 tetor».

Pse Krishtlindjet në tetor

Klima në Venezuela është e nxehtë në fillim të mandatit të tretë të Maduro, i cili ka marrë detyrën më 10 janar 2024. Opozita dhe komuniteti ndërkombëtar, të përfaqësuar nga vende si Meksika dhe Brazili, e kundërshtojnë zhvillimin e zgjedhjeve duke denoncuar mashtrimet dhe duke kërkuar të shohin përllogaritjet e detajuara. Sipas traditës, regjimi Venezuelian rrit ndihmat humanitare dhe shpërndarjen e ushqimit në lagjet më të populluara në javët që përpara Krishtlindjeve. Maduro e ka vendosur përshpejtimin e festës si një falënderim për bashkëkombësit e tij që vazhduan të punonin javën e kaluar, megjithse vendi kaloi “black out” rënien e madhe të energjisë më 30 gusht.

A ka ndodhur ndonjëherë më parë në Venezuelë?

Maduro në të kaluarën kishte thënë se dëshironte të afronte periudhën e Krishtlindjeve duke e shtyrë atë gjithmonë në tetor. Në vitin 2020 kishte filluar më 15 tetor, vitin tjetër më 4 tetor. Këtë vit do të fillojë edhe më herët.

Reagimi i kishës

Kisha venezueliane nuk e ka pritur mirë operacionin “Feliz Navidad”. Konferenca Episkopale është shprehur kundër duke theksuar se «në mënyra dhe koha e kremtimit të Krishtlindjeve i përkasin autoritetit kishtar» dhe se «nuk duhet të përdoret për qëllime propagandistike ose politike të veçanta».