Adriatik Llanaj, një qytetar 32 vjecar nga Vlora, tregon, se në vitin 2019 ka bërë aksident me motorr dhe ka humbur njërën këmbë. Ai thotë, se i kalon ditët me shumë vështirësi, pasi përvec problemeve fizike, aksidenti i ka dhënë edhe shqetësime emocionale. Adriatiku ka dëshirë të bëjë një kurs për berber.Pas aksidenti, ka fituar gjyqin për dëmshpërblim, ku e paditur ishte Byroja Shqiptare e Sigurimit. Shuma e përfituar është mbi 50 milionë. Por edhe pse ka marrë dy avokatë, asgjë nuk është bërë për të marrë paratë, që i takojnë.Avokati Romarjo Meminaj, thotë, se do të interesohet te Byroja shqiptare e Sigurimit. Ndërsa kolegia e tij është me leje lindjeje.Gazetari i “Stop” u interesua te Byroja, por përgjigja e thatë, që mori ishte, se rasti do të shihet me përparësi.
Zonja e drejtuar në redaksinë tonë, tregon, se prej 4 vitesh ka hapur proces gjyqsor, por ende nuk është thirrur në gjykatë. Pas vdekjes së bashkëshortit, ajo kërkon të ndryshojë mbiemrin e të kalojë te mbiemri i vajzërisë. Ndonëse ka marrë dhe avokat, asnjë gjë nuk është bërë që nga viti 2022.Cështja është në Gjykatën Administrative të shkallës së parë me gjyqtar Ledio Sali, por nuk ka një datë për seancë gjyqsore.Zonja shkon herë pas here në sekretarinë e gjykatës, ku vetëm i konfirmojnë, se nuk është caktuar datë për cështjen e saj.
Kampionati Europian i futbollit nis pas vetëm dy ditësh dhe do të transmetohet ekskluzivisht në ekranin e TV Klan.Në këtë kampionat ka mundur të kualifikohet edhe kombtarja kuq e zi, gjë që e bën edhe më të rëndësishme këtë ngjarje sportive. Ne kemi pyetur qytetarët, se për cilën skuadër do të bëjnë tifo dhe si do ta përcjellin kampionatin.
