Edhe pse zyrtarisht ju është komunikuar se regjistri online do të jetë i vetmi mjet pune, jo të gjithë mësuesit mund të logohen në platformën digjitale SMIP.al dhe vlerësimin e nxënësve po e kryejnë në ditarin e tyre personal.

Arsimtarët mbështesin vendimin për digjitalizimin e institucioneve arsimore, por mendojnë se mënyra si po realizohet është e nxituar dhe arbitrare, kur ata nuk i kanë kushtet për të punuar vetëm online, pa pasur në të njëjtën kohë edhe regjistrin e letrës.

Mësuesja e kimisë, gjithashtu edhe përfaqësuese e sindikatës së pavarur të arsimit në tiranë, Alma Lama, kujton përvojën e mundimshme vjet të testimit të regjistrit online, i cili u krye përgjithësisht jashtë orarit mësimor e ambjenteve të shkollave.

Ndër të tjera, kryesindikalistja tregon se regjistri i klasës nuk mund të zëvendësohet me një platformë online, duke marr në konsideratë sulmet kibernetike që rrezikojnë edhe zhdukjen e të dhënave të shkollës.