Në 30 janar të këtij viti transmetuam problemin e zotit Bilbil Cjapi, i cili kishte punuar në kompaninë Albpetrol dhe në 2014-ën ishtë pushuar nga puna padrejtësisht. Për këtë arsye ai hapi proces gjyqësor, i përfaqësuar nga avokati Ilir Hasa. Në 2017-ën, Gjykata e shkallës se parë në Fier vendosi, që Bilbil Cjapi të dëmshpërblehej me shumën 113 milionë lekë të vjetra. Sipas bashkëshortes së Bilbilit, avokati nuk kishte depozituar gjysmën e parave, ashtu edhe sic ishte firmosur akt-marrëveshja. Vëllai i Bilbilit shkoi tek avokati dhe mori 5 milionë lekë në emër të të vëllait, të cilit nuk ia dha kurrë. Gramoz Cjapi, vëllai i Bilbilit, është drejtor në Drejtorinë Vendore të Policisë Berat dhe në një audio regjistrim u dëgjua pohimi i avokatit, që tregon, sesi Gramozi, ia mori paratë.Pas këtij transmetimi, Prokuroria pranë rrethit gjyqsor Fier ka regjistruar kallzimin për veprat “Mashtrim dhe Shpërdorim detyre”.