Vakancat në Prokurorinë e Elbasanit rrezikojnë të shtohen. Prokurorja Ermira Tafani, njëherazi edhe drejtuese seksioni dhe prokuroja Armanda Xhaferri kanë paraqitur në Këshillin e Lartë të Prokurorisë dorëheqjen.
Sipas burimeve nga qeveria e organit të akuzës, prokuroret nuk kanë dhënë arsye shteruese mbi dorëheqjen e paraqitur, por mendohet shkak të jetë ngarkesa dhe stresi i vetingut.
Akti i dorëheqjes së tyre pritet të shqyrtohet javën e ardhme nga KLP-ja, ndërsa në rast pranimi në Prokurorinë e Elbasanit shkon në 5 numri i vakancave sa i takon prokurorëve, për shkak të 2 vakancave aktuale dhe ndarjes nga jeta pak ditë më parë të prokurores Erida Kokonozi.
Që prej nisjes së vetingut në drejtësi, mbi 70 gjyqtarë e prokurorë kanë paraqitur dorëheqjen ndërsa për shkak të vakancave edhe si pasojë e shkarkimeve, prej një viti pritet miratimi i një hartë të re gjyqësore, si zgjidhje për situatën kaotike në disa gjykata dhe prokurori.
