Në kushtet, kur higjena është nën vëmendjen e të gjithëve, për shkak edhe të pandemisë së covid 19, Stop sjell një tjetër rast abuzimi me shëndetin e qytetarëve. Firma e ujit Shpati përvecse ka ambiente të ndotura, i riciklon bidonët e ujit, duke bërë sikur i lan. Në higjenizimin e bidonëve nuk përdoret asnjë teknologji, por lahen me dorë nga punëtorët. Këto shishe e bidonë përdoren sërish për të ambalazhuar ujin “e pijshëm”, që shitet më pas në dyqane e supermarkete, për ta ardhur deri te konsumatori.