Mësuesi i kitarës në Liceun Artistik, Erjon Medha, denoncon heqjen e padrejtë nga puna, pas një karriere mbi 10 vjecare, në Lice dhe Akademinë e Arteve.Në maj 2019 i prishet kontrata e punës nga drejtoresha e Liceut, Valbona Gavelli dhe ai zëvendësohet me një tjetër mësues të kitarës, Mateo Basha. Ky i fundit nuk përmbush kriteret, për të qenë mësues, pasi masteri i tij profesional nuk e lejon të japë mësim, aq më pak si mësues në shkollën e mesme në Liceun Artistik “Jordan Misja”.Edhe pse jepen disa alibi për heqjen e Erjonit, duket, se e drejta është në anën e tij, pasi ai e kaloi edhe “pengesën” e futjes në portalin “mësues për Shqipërinë”.