Një nga udhërrëfyesit më të aftë në malin Everest ka arritur majën më të lartë të Tokës për herë të 29-të, duke mposhtur rekordin e tij persona dhe botëror për numrin e ngjitjeve.

Kami Rita, nga komuniteti i alpinistëve Sherpa në Nepal, arriti majën 8 mijë e 849 metra herët në mëngjes të dielën, dhe më vonë nisi sërish zbritjen.

Ai dhe shoku i tij nga i njëjti komunitet, Pasang Dawa kanë konkurruar me njëri-tjetrin për titullin e më shumë ngjitjeve të Everesitit, dhe deri vitin e kaluar kishin arritur 27 herë.

Në një intervistë më herët, Rita është shprehur se nuk ka vendosur të thyejë rekorde, thjesht vijon të bëjë punën e tij.

I njohur ndryshe si ‘Njeriu i Everestit’, 54 vjecari u ngjit për herë të parë në vitin 1994 dhe që atëherë është ngjitur në majë pothuajse çdo vit.

Qindra njerëz do të përpiqen të ngjiten në mal këtë muaj, me autoritetet nepaleze që kanë lëshuar lejet për alpinistët e huaj, teksa gjyakata atje vendosi pak kohë më parë që të reduktohen.

Nepali është shtëpia e tetë nga 10 majat më të larta në botë kur temperaturat janë të ngrohta dhe erërat janë të lehta.

Vitin e kaluar, më shumë se 600 alpinistë arritën në majën e Everestit, por ishte gjithashtu sezoni më vdekjeprurës në mal, me 18 viktima.