“TIMS është rikthyer në 6 pika”, Çuçi: Përgëzime ekipit të IT, faleminderit partnerëve amerikanë

Ministri i Brendshëm Bledi Çuçi bën me dije se një ditë pas sulmit kibernetik nga Irani është rikthyer në funksion sistemi TIMS në Rinas, Hanin e Hotit, Kapshticë, Muriqan, Morinë dhe Kakavijë.

Çuçi falënderon partnerët amerikanë që janë gjendur pranë Shqipërisë dhe po bëjnë çdo përpjekje për ta bërë vendin tone të sigurt.
DEKLARATA

Përgëzime ekipit të IT në Drejtorinë e Përgjithshme të Policisë së Shtetit për punën pa ndërprerje që nga minuta e parë e sulmit kibernetik, për të rivënë në funksionim sistemet tona dhe veçanërisht atë TIMS.

Gjithashtu falënderoj partnerët amerikanë që kanë qenë pranë edhe në këtë rast e po bëjnë çdo përpjekje për ta bërë Shqipërinë sa më të sigurt. Prej mesnatës sistemi TIMS është rikthyer në funksion të plotë në Pikën e Kalimit Kufitar Rinas. Po kështu është rivënë në punë edhe në pikat e tjera kufitare të vendit: Hani i Hotit, Kapshticë, Muriqan, Morinë, dhe Kakavijë.

Aktualisht ekspertët tanë po vijojnë punën e pandërprerë për rikthimin e sistemit TIMS në Pikat e tjera të Kalimit Kufitar si dhe po marrin masat nevojshme për të mos pasur më ndërprerje. Kërkojmë mirëkuptimin e qytetarëve që janë ndeshur me vonesa.

Ne kemi punuar prej momentit të parë kur u detektua sulmi kibernetik, për të garantuar mbi të gjitha paprekshmërinë e të dhënave dhe më pas për rikthimin në normalitet në kohën më të shpejtë të mundshme.

Të Fundit