Stop – Sukth, gjyshja me dy femijet e djalit ne varferi ekstreme! (04 dhjetor 2018)

Sanije Loka, 60 vjec nga Sukthi i Durrësit kërkon ndihmën e emisionit “Stop”.Djali i saj, i divorcuar nga bashkëshortja, vuan dënimin në një burg të Francës, ndërsa e moshuara mundohet të mbijetojë, duke patur edhe nipin e mbesën në ngarkim e pa asnjë të ardhur.Sanija kërkon një vërtetim, që djali është në burg, pasi në këtë mënyrë, mund të sigurohet pensioni ushqimor nga e ëma e fëmijëve, ose gjyshja të marrë kujdestarinë e tyre e më pas ndihmë ekonomike.Drejtoresha e Shërbimit Social në Durrës Meme Xhaferaj, thotë, se pas prezantimit të rastit, po punohet për zgjidhjen e problemit të kësaj familjeje. Ka nisur puna për dokumentat, që gjyshja të fitojë kujdestarinë e fëmijëve e më pas të përfitojë ndihmë ekonomike. Nga ana tjetër “Fundjavë ndryshe” ka ofruar ndihma ushqimore për Sanijen dhe të vegjlit.