Stop -EMISIONI 67 (SEZONI 5) 3 dhjetor 2019- Mamurras/ I dhuron qytetit autoambulance, por prefekti e fyen dhe e refuzon.


Rama është nisur për në Londër për të marrë pjesë në Samitin e Natos. Para nisjes, Rama i përqafoi të gjithë, e tha, se nuk duhet të bëhen merak, pasi ai do të jetë në kontakt me situatën. Gjithë këto ditë Rama është shfaqur nëpër ekrane, duke puthur e përqafuar banorët e prekur nga tërmeti i 26 nëntorit.

Mamurrasi, ishte një prej qyteteve të prekur nga tërmeti i 26 nëntorit, pasi me dhjetra banesa rezultuan të pabanueshme, ndërsa 70 banorë janë strehuar në cadra.Ramiz Vokshi tregon, se prej 8 vitesh jeton në Kanada dhe para pak kohësh ka humbur gjysmën e familjes një aksident automobilistik. Ai thotë, se e ka përjetuar një “tërmet” në jetë ndaj bashkë me familjarët, Asim dhe Blerta Vokshi, ka blerë për qyetarët e Mamurrasit një autoambulancë dhuratë.Drejtoresha e Qendrës Shëndetësore Mamurras, Anila Lleshi,e falenderoi Ramizin, të cilit i dhuruan lule dhe një certifikatë në shenjë mirënjohjeje.Por ky kontribut nuk është pritur mirë nga Prefekti i Lezhës, Gjok Jaku, i cili i ka shkuar një mesazh Ramizit, ku thotë, se autoambulanca është dhuratë e Qeverisë Kanadeze për popullin shqiptar, e jo për taksi, ndaj duhet t’i cohej atij e jo Qendrës Shëndetësore.I prekur dhe i keqardhur Ramiz Vokshi tregon cekun e blerjes së kësaj pajisjeje dhe gjithë dokumentacionin shoqërues.

Qytetari Ilir Ibrahimi tregon, se në 29 nëntor, rreth orës 8 të mëngjezit ka gjetur një qen pastor gjerman 200 metra larg hotelit Miramare. Në qafën e qenit shkruhet “policia”.Iliri ia dorëzon gazetares së emisionit “Stop” qenin e humbur dhe ne e sjellim në studio, për ta vënë në dispozicion të institucioneve.

Stop është ndalur pranë qendrës Egi Center në Unazë të re, e cila po strehon të dëmtuar nga tërmeti, numri i të cilëve po rritet dita-ditës.Flamur Dajci, pronari i ndërtesës, i cili ka marrë nismën e strehimit për familjet e prekura nga kjo fatkeqësi.Ai thotë, se e ka marrë këtë nismë me të gjitha shpenzimet, ujë, drita etj.Por aty ka shumë të sëmurë dhe i duhet të paktën një mjek për cdo urgjencë. Një ditë më parë kishte vajtur një staf mjekësor prej 4 specialistësh, së bashku me një punonjëse të Ministrisë dhe i kishin thënë, se qendra ka nevojë për vëzhgim 24 orë, megjithëse i ka kushtet shumë të mira. Ditën tjetër ky staf ishte larguar.”Stop” interesohet në Ministrinë e Shëndetësisë, ku i thonë, se duhet që më parë qendra të certifikohet nga bashkia. Por edhe pse kjo i
ndodhi, pas këmbënguljes së gazetares, sot stafi mjekësor është rikthyer në shërbim të qindra banorëve të sistemuar privatisht në Egi Centër.

Të Fundit